...

March 27

وقت العتب راح لاترجع تعاتبني
مات الوفا والبقا في راس وجداني..

ماني مثل ما انت خابرني وتحسبني
فلان الاول اصبح واحدا ثاني..

خلاص مات الهوى لاتهدم وتبني
تركتني لين جا النسيان ناداني..

العام ادوّر سبب منك يقربني
واليوم ادور سبب عشان تنساني..

بعثرتني في هواك اليوم رتبني
نسيتني الناس شفني صرت وحداني..

كان السهر في هواك اللي محببني
والحين حتى السهر يكبر على اجفاني..

اجيك يمحيني عتابي ويكتبني
مافيه طاري عتب يمر ماجاني..

وارجع وانا اقول: وش للجرح جايبني
ادري بجرحك ولا ادري ويش وداني!!

عن صدق الاحلام جا الواقع وكذبني
وعن فرح الايام جا حبك وبكاني..

مليت اشيل الامل والدمع يغلبني
واقول بكره يجي للشوق يلقاني..

ويروح بكره واجي والوقت قالبني
وارجع على وحدتي واحزاني .. احزاني

بكيتك العمر كله يامعذبني
وشفيك ماتبكي الليله على شاني..

كتبت ماهو عشان تقول عاجبني
مليت من جزله وصح الله لساني..

انا وطن شعر لو شعري مغربني
كتبت اجمل جروحي لجل تقراني..

2:49 PM | Blog it

To add a comment, sign in with your Windows Live ID (if you use Hotmail, Messenger, or Xbox LIVE, you have a Windows Live ID). Sign in

Don't have a Windows Live ID? Sign up

	ٲڐﮜﮋ ٱللّهُ ﺻﻠﻲ ﻋﻠﮰ مﭹﻤﮇwrote: نفسي عزيزة ومن جفاني جفيته حتى ولو يصعب علي القلب فرقاه........... الصاحب المغرور يبزاه بيته والله ماهين النفس وادور رضاه حتى ولو طالت مدته مانسيته بعزي نفسي واجبر القلب ينسااااااااه Sept. 10
	المنصوووري .wrote: انا وطن شعر لو شعري مغربني كتبت اجمل جروحي لجل تقراني كلمات رااائعه وسبايس جميل ملوووكه اتمنى لك التوفيق والسعاااااده دوووما وابدااا تحياتي June 30
	Amoon moonwrote: عندمــآ تنتهي كلمآتـ ـآلعتـآبـ ،، عندمـآ تنتهي كلمآتـ ـآلحبـ ،، كلمآتـ ـآلحزن و كلمآتـ ـآلدموع ،، يكون ـآلصمتـ وقتهـآآ ـآفضــل ،، رـآئعـ ،،جدـآ ’’ ~_^ Apr. 29

The trackback URL for this entry is:

http://cute-10.spaces.live.com/blog/cns!CB652EB9F18A1FC3!1279.trak

Weblogs that reference this entry